"ஹலோ....மலர்க்கா?"
"ஹாய் சஞ்சனா! என்னடி ? எங்க
இருக்கே?"
"பெங்களூர் ஏர்போர்ட்ல..சென்னைக்கு
தான் கிளம்பறேன்..."
"சொல்லு என்ன இன்னேரத்துல?"
"டிவி பிரேக்கிங்
நியூஸ் பாத்தியா?"
"என்ன?"
"பிரபல ஹோட்டலில் அடிதடி .,மாஜி எம் எல். ஏ கைது. .சற்குணம்"
"என்னது? ..எதுக்கு?" மலர்
அதிர
"ஆமா இன்னிக்கு ஈவ்னிங்க்"
"ம்......அப்படியா? சரி அது ஒன்னும் நியூஸ் இல்ல.. அவன் அப்பபப்போ இந்த மாதிரி
பண்றான் தானே? வெக்கம் கெட்டவன்"
"அட போக்கா...நீ மண்டு...கூட
மாட்டுனது யார் தெரியுமா? . உன்
பரம எதிரி...சாருனித்தி .,அரஸ்ட்
பண்ணிட்டாங்க"
"அப்படியா?" மலர்
திகைத்தாள்
'அதைவிட இன்னொரு
முக்கியஸ்தர். அவரும் அரஸ்ட் ஆகி இருக்கார்..உன் எக்ஸ்
ஹஸ்பேண்ட் ஜீவா"
"எ..என்னது?'
மலர் எழுந்தேவிட்டாள்
"என்னடி சொல்றே?"
"மூனு பிக்காளியும் கூட ரெண்டு
பேர்.. மொத்தம் அஞ்சு பேர் அரஸ்ட் ஆகி இருக்காங்க.."
"எ..எதுக்கு?"
"வேறெதுக்கு?.. எங்கனாச்சும் கொள்ளை
அடிச்சிருப்பானுங்க., பங்கு பிரிக்கறப்ப அடிதடி
ஆகியிருக்கும்...சரி விடுக்கா... இனி உங்க விஷயத்துல இவனுங்க தலையிட
மாட்டானுங்க.... வேலையே பாருங்க.."
சஞ்சனா சொல்ல., மலர்க்கு இனம் புரியாத சந்தோஷம் பரவியது.
"உன்னை பார்த்து இகழ்பவர்களை., இன்னல் விளைவிப்பவர்களை எதிர்த்து நீ ஒன்றும் செய்யாதே .அவை
கெடுப்பாரின்றி கெடும்.. " எங்கோ
அவள் படித்தது நினைவுக்கு வந்தது.
மனித மிருகங்களுக்கு முதல் தண்டனை ..கிடைத்திருக்கிறது., கடவுளே நன்றீ!
"என்னக்கா., நீ சென்னைல இருக்கற
உனக்கு, பெங்களூர்ல இருந்து நான் நியூஸ் சொல்றேன்..'
'இல்லடி வெளிய இருந்தேண்.."
"வெளியேன்னா?'
"ம்ம்ம் பீனிக்ஸ் மால் வந்தோம்..மூவி..."
"ஓ சுரேஷ் கூடவா..? “
"…………
ம்ம்ம்ம்"
"சரிக்கா. நான் இங்க ஆதித்யா
ஜுவல்லர்ஸ்க்கு டிசைன் சப்மிட் பண்ன வந்தேன். .நாலு மணி ப்ளைட் புடிச்சி...சென்னைக்கு வரேன்க்கா.. நேர்ல
பேசறேன்..."
"ம் பத்திரமா வா.. சீ யூ
பை..."
மலரிடம் பேசிவிட்டு , சஞ்சனா ஏர்போர்ட் உள்ளே போக.. நாலு மணி ப்ளைட் டைரக்ட்., சென்னை ப்ளைட் கேன்சல்’ என்றார்கள்.
"அய்யோ ஏன்?"
"இல்ல மேடம்.
பிளேன் மெய்ண்டெனஸ் இஷ்யூ.. பட்... ஒம்போது மணிக்கு ஸ்பை ஜெட்ல ஒன்னு இருக்கு.."
"அதுக்கு முன்னாடி...?"
".மும்பையிலருந்து , ஒரு
பிளைட் வருது ., அதுல டை- அப்
பண்ணட்டுமா?"
"ம்ம் ப்ளீஸ்"
அந்த
மும்பை விமானம் சஞ்சனாவிற்கு கொண்டுவரப்போகும்
சஞ்சலங்கள்., திகில் சம்பவங்கள் பற்றி அவள் ஏதும்
அறிந்திருக்க வில்லை. முடியை முன்னால் போட்டு வெயிட்டிங் ஹாலில் செல்ஃபி ஒன்றை
எடுத்து இன்ஸ்ட்ராகிராமில் போட்டாள்.
************************************************************************
வாசகர்கள் இலவசமாக படிக்க குறிப்பிட்ட கால இடைவெளியில் பொறுத்திருந்து படிக்கவும்.,
Part 34 vEnum.. vEena suganyaa alabertukku waitingggg
ReplyDeletePart 34?
ReplyDelete